گجرات:
الفلاح اسکالرشپ اسکیم کے زیر اہتمام تیسری سالانہ ’’برین آف گجرات‘‘ مقابلہ جاتی پروگرام آج الفلاح کے ہیڈ آفس میں کامیابی سے منعقد ہوا، جس میں سینکڑوں طلبہ و طالبات نے بھرپور جوش و جذبے کے ساتھ شرکت کی۔
پروگرام کے دوران طلبہ و طالبات نے مختلف مضامین پر مشتمل مسابقتی امتحان میں حصہ لیا اور اپنی تعلیمی صلاحیتوں کا مظاہرہ کیا۔ تقریب کے اختتام پر انعامات کی تقسیم کی تقریب منعقد ہوئی، جس میں نمایاں کارکردگی دکھانے والے طلبہ میں نقد انعامات، ٹرافیاں اور تعریفی اسناد تقسیم کی گئیں۔
تقریب میں شہر کی معروف شخصیات میاں محمد عبدالشکور، مجید احمد چوہدری اور دیگر معزز مہمانوں نے شرکت کی۔ مہمانِ خصوصی نے خطاب کرتے ہوئے کہا کہ اس نوعیت کے تعلیمی پروگرام نوجوان نسل میں قابلیت، خود اعتمادی اور مثبت مقابلے کے رجحان کو فروغ دیتے ہیں۔
شرکاء نے الفلاح اسکالرشپ اسکیم کی انتظامیہ کی کاوشوں کو سراہتے ہوئے کہا کہ ادارہ میرٹ کے فروغ، تعلیمی برتری کے حوصلہ افزا ماحول اور طلبہ کو بااختیار بنانے میں اہم کردار ادا کر رہا ہے۔ مقررین کا کہنا تھا کہ ایسے پروگرام ایک روشن اور تعلیم یافتہ مستقبل کی بنیاد رکھنے میں مددگار ثابت ہوتے ہیں۔ آخر میں منتظمین نے تمام شرکاء، اساتذہ اور والدین کا شکریہ ادا کرتے ہوئے اس عزم کا اظہار کیا کہ آئندہ بھی طلبہ کی فلاح اور تعلیمی ترقی کے لیے اسی جذبے سے کام جاری رکھا جائے گا۔
