پاسبان نیوز
پنجاب حکومت نے صوبے بھر میں نظم و نسق کو مؤثر بنانے کے لیے پرفارمنس مینجمنٹ یونٹ قائم کر دیا ہے، جس کے تحت پنجاب کے ہر شہر میں سرکاری افسران اور اہلکاروں کی حاضری اور کارکردگی کی کڑی نگرانی کی جائے گی۔
وزیر اعلیٰ پنجاب مریم نواز ورچوئل ٹور کے ذریعے مختلف شہروں کی صورتحال کا جائزہ لیں گی جبکہ ایک جدید ڈیش بورڈ کے ذریعے صوبے بھر کی لائیو مانیٹرنگ بھی خود کریں گی۔ اس نظام کے تحت شہروں میں وال چاکنگ پر پابندی پر عملدرآمد کو یقینی بنایا جائے گا۔
پرفارمنس مینجمنٹ یونٹ پنجاب کے ہر شہر میں ڈرینج اور سیوریج سسٹم کی مسلسل نگرانی کرے گا تاکہ شہری مسائل کا بروقت حل ممکن بنایا جا سکے۔ اس کے علاوہ 22 اہم پرفارمنس انڈیکیٹرز کی بنیاد پر مختلف محکموں کی کارکردگی جانچی جائے گی۔
ستھرا پنجاب پروگرام کے تحت صفائی کے نظام کی بھی مستقل مانیٹرنگ کی جائے گی، جس کا مقصد صوبے کو صاف، منظم اور بہتر طرزِ حکمرانی کی جانب لے جانا ہے۔
