پاسبان نیوز: قائداعظم ڈویژنل پبلک اسکول وزیرآباد ڈریم گارڈن کیمپس کی گرینڈ اوپننگ تقریب منعقد ہوئی، جس میں کمشنر گوجرانوالہ ڈویژن سید نوید حیدر شیرازی، ڈپٹی کمشنر گوجرانوالہ نوید احمد اور رکن قومی اسمبلی بلال فاروق تارڑ نے مشترکہ طور پر اسکول کا افتتاح کیا۔
اس موقع پر اسسٹنٹ کمشنر وزیرآباد جواد حسین بھی ہمراہ تھے۔ تقریب میں صدر گوجرانوالہ چیمبر آف کامرس علی ہمایوں بٹ اور ڈریم گارڈن کے عہدیداران، پرنسپل، اساتذہ سمیت معززین کی بڑی تعداد نے شرکت کی۔
تقریب سے خطاب کرتے ہوئے معزز مہمانوں نے ڈی پی ایس وزیرآباد کی نئی اور پروقار عمارت کو وزیرآباد میں تعلیمی شعبے کے لیے ایک اہم سنگِ میل قرار دیا اور کہا کہ معیاری تعلیم ہی روشن مستقبل کی ضمانت ہے۔
