پاسبان نیوز گجرات: ڈپٹی فوڈ کنٹرولر گجرات خرم نیاز ثاقب نے تحصیل سراۓ عالمگیر میں آٹا سپلائی کی جانچ پڑتال کی۔ اس موقع پر فلور سپلائی چین کا تفصیلی جائزہ لیا گیا تاکہ عوام کو مقررہ نرخوں پر معیاری آٹا کی فراہمی یقینی بنائی جا سکے۔
معائنے کے دوران اسٹاک، ترسیل اور تقسیم کے عمل کو چیک کیا گیا اور متعلقہ حکام کو ہدایت دی گئی کہ آٹا کی دستیابی اور معیار پر کسی قسم کا سمجھوتہ نہ کیا جائے۔ ڈپٹی فوڈ کنٹرولر نے کہا کہ عوامی سہولت کے لیے فلور سپلائی کی مسلسل نگرانی جاری رکھی جائے گی۔
