گجرات: ایڈیشنل ڈپٹی کمشنر جنرل صباء سحر نے عزیز بھٹی شہید ٹیچنگ ہسپتال کا دورہ کیا جہاں انہوں نے مختلف وارڈز کا معائنہ کیا اور ادویات کی دستیابی، صفائی ستھرائی اور دیگر طبی سہولیات کا جائزہ لیا۔
دورے کے دوران ایڈیشنل ڈپٹی کمشنر جنرل نے مریضوں اور ان کے لواحقین سے ملاقات کی اور فراہم کی جانے والی طبی سہولیات کے بارے میں آگاہی حاصل کی۔ انہوں نے ہسپتال انتظامیہ کو ہدایت کی کہ ادویات کی مسلسل فراہمی، صفائی کے بہتر انتظامات اور مریضوں کو معیاری سہولیات کی فراہمی ہر صورت یقینی بنائی جائے۔
