اجلاس میں صحت کے اداروں کے بجٹ، ادویات کی خریداری، دستیابی اور ڈاکٹروں کی خالی آسامیوں کے معاملات زیرِ بحث آئے۔ اس موقع پر سی ای او ہیلتھ گجرات ڈاکٹر عطا المنعم نے اجلاس کو بریفنگ دیتے ہوئے بتایا کہ سرکاری ہسپتالوں میں ادویات کی بروقت فراہمی اور بجٹ کے مؤثر و شفاف استعمال کو یقینی بنانے کے لیے عملی اقدامات جاری ہیں۔
ڈپٹی کمشنر نورالعین نے اجلاس سے خطاب کرتے ہوئے ہدایت کی کہ ضلع میں ڈاکٹرز کی خالی اسامیوں کے حوالے سے مکمل اور جامع کیس تیار کر کے محکمہ صحت پنجاب کو فوری طور پر ارسال کیا جائے تاکہ عوام کو علاج معالجے کی بہتر سہولیات فراہم کی جا سکیں۔ انہوں نے واضح کیا کہ صحت کے شعبے میں کسی قسم کی کوتاہی برداشت نہیں کی جائے گی اور عوامی سہولت کو اولین ترجیح دی جائے گی۔ اجلاس میں متعلقہ افسران نے شرکت کی اور ضلع گجرات میں صحت کی سہولیات کو مزید بہتر بنانے کے عزم کا اظہار کیا
