پاسبان نیوز گجرات: گزشتہ روز ڈپٹی کمشنر گجرات نورالعین قریشی کی زیر صدارت فروری 2026 میں شیڈول سال کی پہلی پولیو سے بچاؤ کی قومی حفاظتی ویکسینیشن مہم کے سلسلے میں پہلا اجلاس ڈپٹی کمشنر کمپلیکس گجرات میں منعقد ہوا۔

اجلاس میں ضلعی انتظامیہ کے علاوہ پولیس، محکمہ تعلیم، میونسپل کمیٹی و کارپوریشن اور محکمہ صحت کے ضلعی افسران نے شرکت کی۔ اجلاس میں پولیو مہم کی تیاریوں، سکیورٹی، لاجسٹکس اور بین المحکماتی تعاون کا تفصیلی جائزہ لیا گیا۔

اس موقع پر چیف ایگزیکٹو آفیسر ڈسٹرکٹ ہیلتھ اتھارٹی گجرات ڈاکٹر سید عطاء المُنعم نے بریفنگ دیتے ہوئے بتایا کہ قومی پولیو مہم کے دوران ضلع گجرات میں پانچ سال سے کم عمر 5 لاکھ 14 ہزار 982 بچوں کو حفاظتی پولیو ویکسین پلائی جائے گی۔ انہوں نے مزید بتایا کہ گھر گھر پولیو مہم 2 تا 5 فروری 2026 جاری رہے گی، جس میں 5 ہزار سے زائد ہیلتھ ورکرز اپنی خدمات انجام دیں گے۔