پاسبان نیوز عالمی : ایران میں گذشتہ چند دنوں سے جاری مظاہروں میں ہلاک ہونے والے سکیورٹی اہلکاروں کی نماز جنازہ آج ادا کی جا رہی ہے۔
امریکہ میں قائم انسانی حقوق کے کارکنوں کے خبر رساں ادارے ایچ آر اے این اے کے مطابق ایران میں ملک گیر احتجاج کے دوران ہلاک ہونے والوں کی تعداد دو ہزار پانچ سو اکہتر تک پہنچ گئی ہے۔
خبر رساں ادارے کا کہنا ہے کہ تازہ ترین اعداد و شمار میں دو ہزار چار سو تین مظاہرین، حکومت سے وابستہ ایک سو سینتالیس افراد، اٹھارہ برس سے کم عمر کے بارہ افراد اور نو عام شہری شامل ہیں جو مظاہرین نہیں تھے۔
بی بی سی ان اعداد و شمار کی آزادانہ طور پر تصدیق نہیں کر سکا۔ زیادہ تر بین الاقوامی خبر رساں ادارے، بشمول بی بی سی، کو ملک کے اندر کام کرنے پر پابندیاں ہیں۔
