پاسبان نیوز | اسلامی ڈیسک :امتِ مسلمہ آج شبِ معراج انتہائی عقیدت و احترام کے ساتھ منا ئی جائے گی شب معراج یہ وہ بابرکت رات ہے جب اللہ تعالیٰ نے اپنے محبوب نبی حضرت محمد ﷺ کو معراج کا شرف عطا فرمایا۔ اس عظیم رات میں نماز جیسی عظیم عبادت امت کو تحفے میں دی گئی، جو ایمان، تقویٰ اور قربِ الٰہی کا عملی مظہر ہے۔

علمائے کرام کے مطابق شبِ معراج ہمیں اطاعتِ الٰہی، صبر، شکر اور روحانی اصلاح کا پیغام دیتی ہے۔ مساجد میں خصوصی عبادات، نوافل اور دعاؤں کا اہتمام کیا جا رہا ہے، جبکہ اہلِ ایمان اس مقدس رات کو اللہ کی رضا اور مغفرت کے حصول کے لیے غنیمت سمجھ رہے ہیں۔