اسلام آباد: وفاقی حکومت نے آئندہ 15 روز کے لیے پیٹرولیم مصنوعات کی قیمتوں کا اعلان کر دیا ہے۔ وفاقی وزارتِ توانائی کی جانب سے جاری نوٹیفکیشن کے مطابق ڈیزل کی قیمت میں 14 روپے فی لیٹر کمی کی گئی ہے۔
نوٹیفکیشن کے مطابق 14 روپے کمی کے بعد ڈیزل کی نئی قیمت 265 روپے 65 پیسے فی لیٹر مقرر کر دی گئی ہے، جبکہ پیٹرول کی قیمت برقرار رکھتے ہوئے 263 روپے 45 پیسے فی لیٹر رکھی گئی ہے۔ نئی قیمتوں کا اطلاق فوری طور پر آئندہ 15 روز کے لیے ہوگا۔
