پاسبان نیوز کھاریاں: ہاشم ویلفیئر ایسوسی ایشن پنڈی ہاشم میں راشن رمضان پیکیج کی تقسیم کے حوالے سے تقریب ۔ تفصیلات کے مطابق گزشتہ روز ہاشم ویلفیئر ہسپتال پنڈی ہاشم میں مستحق افراد کے لیے ہر سال کی طرح راشن پیکج کی تقسیم کے حوالے سے تقریب منعقد ہوئی ۔
تقریب کی مہمان خصوصی ثمن اعجاز اسسٹنٹ ڈائریکٹر سوشل ویلفیئر ڈیپارٹمنٹ تحصیل کھاریاں تھیں ۔ سرپرست حاجی محمد نواز ملک ، ڈاکٹر ذکااللہ صدیق جنرل سیکرٹری ، شہزادے شاہ ممبر ایگزیکٹو کمیٹی ،محمد افضل ایڈمن آفیسر ادارہ ہذا ، دیا اعوان اور دیگر سٹاف موجود تھا۔
اس موقع پر ہر سال کی طرح اس سال بھی مستحق خاندانوں کے مستحق افراد میں راشن پیکج تقسیم کیا گیا ۔ ہر سال کی طرح اس سال بھی زیادہ سے زیادہ خاندان مستفید ہوں گے ۔
اس موقع پر میڈم ثمن اعجاز نے کہا کہ تحصیل بھر میں بہت کم این جی آوز ایسی ہیں جنہوں نے اپنا ریکارڈ مکمل رکھا ہوا ہے ۔ پنجاب چیریٹی کمیشن کی ہدایات اور قواعد و ضوابط کو مکمل طور عمل کیا ہوا ہے۔ سارے کاموں کو شفاف انداز میں کیا جا رہا ہے ۔ اس طرح کی تنظیموں نے معاشرے کے پسے ہوئے طبقے کو ریلیف فراہم کیا ہوا ہے ۔
چئیر مین ڈاکٹر محمد ادریس اعوان اور ان تمام ڈونرز کی کوششوں کو سراہا جو اس کار خیر میں شامل ہیں
